Opens in a new tab

Abaar Daba Dheer

ONA12 March 2026
Read in English

Sida aan lawada socono waxaa Dalka Ogadenia iyo guud ahaan Gayiga ay Soomaalidu ka dagto Geeska Africa ka jira abaaro xoogan oo aan indhawaale la arag.

In kasta oo ay abaaruhu yihiin masiibooyin rabaani ah hadana waxaa jira maarayn yar oo uu aadamahu samayn karo gaar ahaan dowladaha jira.

Dadka Soomaaliyeed ee Ogadenia ku nool majiro maamul ama dowlad mas'uul ka ah ama dhibkooda ka xun oo gacan ka gaysta ama ugu yaraan ka xun.

Xukuumadda Gumaysiga Itoobiya iyo Wakiilka Gumaysiga Ogadenia u fidhiya labaduba waxay afkooda ka ilaaliyeen in ay dalka Abaar kajirto taas oo muujinaysa mas'uuliyad darada iyo sida aan dan looga lahayn shacabka.

Dhinaca kale waxaa jira dadaal yar oo ay sameeyaan dadka Qurba-joogta ah ee Soomaaliyeed gaar ahaan kuwa Ogadenia kasoo jeeda oo caawimaad yar oo biyo dhaan ah u fidiya dadkooda, kaas oo loobaahan yahay in lasii laba jibaaro.

Dhinaca kale Shacabka Soomaalida Ogadenia waxaa laga rabaa Alle bari dhab ah iyo in ay ogaadaan in maamulka ay hoos joogaan uu yahay wakiil gumaysi oo aan iyaga dan ka lahayn.

ONA

La wadaag