Opens in a new tab

Ilyaas Barre Shiil Afkuu Furtay, Maskaxdana Wuu Xidhay

ONA8 February 2012
Read in English

Dad badan ayaa aad ula yaabay hadalaldii uu Ilyaas Barre Shiil ka sheegay idaacadda BBC-da. Inkastoo dadka sida fiican u yaqaana Ilyaas shqsiyadiisa aanay aad ula sii yaabin waxyaabaha ka soo yeedhay, hadana kuwii maalgalinta ku sameeyay socdaalkiisa oo sii qorsheeyay ayaa meel walba la taagan ma maqashay wuxuu yidhi Ilyaas markuu tagay Jigjiga?

Warbixinta dheer oo qoraaga caanka ah Mr. Muktaar Cumar uu arintan ka qoray oon ka soo xiganay shabakadda WardheerNews ayuu arima badan kaga ahdlayaa oo ku saabsan Ilyaas Barre Shiil. Ugu horeyn wuxuu sheegay qoraaga in hadalada uu ku hadlay ahaayeen qaar la;isla ogyahay oo ku talagal ah, mana aha buu yidhi qoraaga markii ugu horeysay ee Barre Shiil inta meel lagu marti qaado uu amaan ka badiyo. Wuxuu xusay qoraaga in markuu tagay Jigjiga sidii dhaqanka u ahaan jirtay Ilyaas Barre uu la tagay af furan oo diyaar u ah in wax lagu rido iyo maskax xidhan oon wixii lagula heshiiyay waxaan ahayn aan diyaar u ahayn inay ka fikirto .. (he approached the weighty matters in Somali region ofEthiopia, again, with an open mouth and a closed mind.) November 2010 ayay ahayd buu yidhi qoraaga markii lagu martiqaaday Hargaysa oo gooni u goosadka SL uu amaanta ka badiyay. December 2011 ayaa hadana lagu martqaaday Garoowe oo sidoo kale u amaanay isagoo soo dhaweyntii loo sameeyay ugu abaalgudaya. Waxaa ka horeysay ka qaybgalkiisii November 2011 shirkii Galmudug oo lagu martiqaaday isagoo ku dhawaaqayay “Galmudug ha noolaato” markay ku soo dhaweeyeen shirka taageeryaasha Galmudug. Waxaa halkaa idiinkaga muuqanaya buu yidhi qoraaga in Ilyaas kolba muusiqada loo tumo uu ku ciyaaro oo aanu lahayn mabd’a dhaafsan afkiisa furan. Dhib kuma hayso buu yidhi qoraaga inuu Ilyaas Barre mabda’ii SYL shir ka amaano, qolka ku xigana shir ay SNM ku qabsato intuu tago uu ka amaano iyagana.

Waxaa qoraaga ka yaabiyay hadalada Ilyaas uu ku leeyahay horumarka ka jira Jigjiga kama jiro NFD, taasoo haddii dhab ahaan loo sii dabagalo ceeb iyo fadeexad ku ah xildhibaanada gobolka NFD ee qudhiisa uu ka midka ahaa. Haddii horumarka NFD uu ka hooseeyo midka Jogjiga ka socda buu yidhi qoraaga, waa hawl u taala siyaasiyiinta gobolka mana ah mid keeni karta inuu gacmaha ka dhunkado gacan-ku-dhiiglayaasha Ogadenya. Waa laba arimood oo aad u kala duwan. Shacab ku jira gumaysi oo xuquuqdooda u dagaalamaya, oo ka dhiidhiyay cadaalad darro iyo cadaadis gumaysi, iyo gobol horumar u baahan oo siyaasiyiinta laga soo doorto gobolka NFD ay tahay inay ka hawlgalaan.

In Jigjiga laga furay Airport weyn, wadooyin la dhisayo iyo dugsiyo ma aha arin u baahan inuu ka soo xogwaramo Ilyaas, mana aha midaas qadiyadda Ogadenya ee qarniyada la soo factirsatay ee shacabka Somaliyeed ay ka doonayaan dawladda Itobiya. Ilyaas Barre waxyaaba badan ayuu ka been sheegay ay ka mid tahay inuu yidhaahdo dadka waxay ku faraxsan yihiin nidaamka siyaasiga ah ee meesha ka jira. Waxaa kaloo uu yidhi cadaadiska nalooga sheegay gobolka waxba kama jiraan. Qoraaga oo arintaa ka hadlaya ayaa yidhi; ereyada noocaa ah ee odhanaya dadka gobolka way faraxsan yihiin, maamulka gobolkana wuxuu haystaa madaxbanaani, jidhdilla iyo xasuuqa laga sheegayo Ogadenyana waxba kama jiro, ereyada noocaa ah waxay ka soo bixi karaan un qof maangaab ah oo maskaxdiisa aanay fiyoobeyn .. (sweeping generalizations about how people are happy in the region, how the administration enjoys political autonomy, how the charges of torture and killing in the region are all false, can only come from someone with cerebral paucity of disturbing proportions). Hadaan kaba soo qaadno buu yidhi qoraaga waxyaabaha lagu xanto xildhibaankan ee ah inuu fahmo oo kali ah waxay indhihiisa arkayaan, oo aanu lahayn maskax iyo caqli uu ku ogaado waxyaabaha ka qarsoon, maxaa ka hortaagnaa inuu ugu yaraan gaadho xabsiga weyn ee ku yaala Jigjiga oo halkaas uu ka soo ogaado waxyaabaha ka jira gobolka ee dhabta ah een ahayn sheekada rasmiga ahee qadada dusheeda loogu sheegayay?

Maqaalka qoraaga oo aad u dheer, waxyaaba badan oo muhiim ahna uu kaga hadlay ayuu ku sheegay inay Itobiya iyo daba-dhilifyada u jooga Ogadenya aad u buunbuuniyaan horumar baa gobolka laga sameeyay iyo nabadda iyo horumarka oo isku xidhan. Meesha buu yidhi ay jabhadda ONLF-na ay ay ka hadasho xoriyadda iyo cadaaladda oo aan jirin. Wuxuu yidhi qoraaga, arintan waxay ka mid tahay murankii waligeedba u dhexeeyay gumaysiga iyo gobanimadoonka. Xoriyadda iyo cadaaladda miyaa keena horumarka mise horumarka ayaa keena. Gobolka Somaliyeed ee Ogadenya waxaa la hadal hayaa buu yidhi qoraaga ereyada ah; ‘nabad’ iyo ‘horumar’, meeshii laga rabay inay ka hadlaan ‘cadaalad’ iyo ‘xoriyad’ oo ah waxyaabaha dadka la gumaysto ee la cadaadiyo ay u baahan yihiin. Qoraaga ayaa kula taliyay jabhadda ONLF in aanay ku mashquulin horumar baa jira iyo majiro, sababtoo ah hadafka loo halgamayo waa in la helaa cadaalad iyo aaya-ka-tashi madaxbanaan.

Maqaalkaa oo dhamaystiran Riix WardheerNews

ONA.

La wadaag