Opens in a new tab

Tababar Ciidan oo Qaybta Danab loo Soo Gabagabeeyay

ONA2 August 2011
Read in English

Waxaa tababar muddo dheer socday loo soo xidhay Qaybta Danab ee CWXO 26-07-2011. Tababarkaas oo ay qaateen dhammaan Taliska iyo Hoggaamiyeyaasha Colalka Qaybta laga soo bilaabo Taliye Unug ilaa Talis Qaybeed.

Tababrkan mudada socday ayaa ku saabsanaa Hoggaaminta Ciidamada xaaladaha dagaalka iyo xiliyada nabada, xidhiidhka dadweynaha iyo arimaha bulshada waxaana bixinayay khubaro ku xeeldheer arimahaas. Dhanka kale waxaa horin gaar ah oo qaybta ka mid ah ayaa loo xidhay iyagana tababar dagaal oo gaar ah.

Munaasabadii qalinjabinta oo si weyn loo agaasimay ayaa waxaa ka qaybgalay madaxda CWXO oo uu hoggaaminayo guddoomiyeha Xarunta dhexe ee JWXO, Taliska CWXO, Saraakiil ka socotay Hoggaanka Gaashaandhig, Xubnaha Golaha dhexe ee ka hawalgala gudaha iyo Kaadir kala duwan oo ka tirsan bulshada. Iyada oo Ciidanka tababar ka loo xidhahayay ay soo bandhigeen tusaale yaal qaali ah oo cadayn u ahaa heerka ay gaadhay aqoontooda ciidan, hoggaamineed iyo tabaha dagaalka.

Naftood-hurayaasha soo dhamaystay tababarka ayaa balan qaday inay si hufan u difaaci doonaan umadooda una deegsan doonaan tababarkii ciidan iyo maamul ee la siiyay. Waxay uga mahadnaqeen dadaalka hogganminta JWXO ugu jirto kor u qaaadida garaadka iyo aqoonta xubnaha CWXO.

Sidoo kale hoggaanka Tababbarada ee CWXO oo ay u mahadceliyeen ayaa dhankiisa ka xusay inay u socdaan qaar kamid ah Qaybaha CWXO tababaro kala duwan oo wax weyn ka badali doona majaraha dagaalada iyo difaaca shacabka, isaga oo raaciyay inuu joogteyn doono hogggaanka tababaradu kobcinta aqoonta ciidan iyo garaadka siyaasigaha ah ee N/huraha CWXO haddii alle idmo.

ONA/Xarunta-dhexe

La wadaag