Opens in a new tab

Ragow Kibirka waa Lagujabaaye Taas Hala Oggaado! Cabdi Ubo oo ku Laabtay Ethiopia

ONA14 July 2012
Read in English

Muddo hadda qarni laga joogo ayaa waxa wadanka Ogadeniya soo weerary Gumeystayaashi  Cadaanka ahaa waxayna damceen in dadka Somaliyeed ay dulleyaan xoogna ku maamulaan. Waxaana arrintaas diiday halyayo badan oo taarikhda Somaliyeed magac iyo darajo ku leh agtooda. Waxaana waqtigaas ka dhacay dhulka Ogadeniya iyo goobo badan oo Somaliya kamid ah xasuuq aan loo kala aabo yeelin waayeel iyo caruur iyada oo larabo in lagu qab jabiyo halyeeyadi somaliyeed ee diiday Gumeystaha.

Dadka Xasuuqa geysanaya maysan aheyn kaliya ciidamada Gumeystaha cadaanka ah, ee waxa kamid ahaa dad somaliyeed oo lasiiyay darajo aad u sareysa oo ay ku maamulaan dadka Somalida ah iyaga oo wakiil ka ah Ciidamada gumeysiga. Waxayna dadkaasi si fool xun ula dhaqmeen bulshada Somaliyeed ee rayidka ah. Waxaba xattaa dhacday in mar nin Somali ah oo gobolada waqoyiga heystay uu dil ku xukumay nin walaashiis ugasoo fadhiistay isaga oo kibir awgiis iyo isku haleyn uu daba fadhiyo cidamada Ingiriiska ku toogtay ninkaas gabadha soo doontay.

Waa sida hada ka dhacda Ogadeniya ee dad somali ah oo u dhashay wadanka ay ku dilaan dad badan oo Somali ah iyaga oo darajada gumeysigu , umala awaalay ku faanaya.

Haddaba taariikkhda ayaa ah mid soo noqnoqota balse dadku aysan ka faa ideysan. Waxaana maanta dhamaanteen wada aragnaa Kibirka Cabdi UBO isaga oo daba fadhiya gumeystaha uu gabdhaha Somaliyeed ee la dhashay uu naasaha uga garaaco qaarkoodna kaba jaray, dilka iyo xidhayga saa idka ah iyo xasuuqa uu horjjoogaha ka yahay intaba. Isaga iyo inta lamidka ah ee magaca somaliga wataba waxaa kibirkoodii soo qab jabiyay Jaaliyada Melbourne ee wadanka Australiya halkaas oo faro caaradiis ay ku fakadeen kadib markii Polisku ka qabtay dadkii garaacayay ee ku soo xoomay sidii Madaxweynihii Libya Qaddaafi. Cabdi UBO isaga oo fakad ah ayuu ku laabtay magalada Addis Ababa Waxaana soo afjarmay Kibirikii iyo Foolxumadiisii uu meel kasta la taagna ee bulshada ku ceebaynayay. Waxa iyana xasuus mudan in Dadka ku sugan USA ay talaabo sharci ah ka qaadeen kuwo daba dhaan ah oo rabay inay wax isugu duba ridaan Cabdi UBO. Kuwaas oo Poliska wadanka Loo gudbiyay lana xidhi doono.

Ragow Kibirka waa lagu jabaa ee taas ha la oggaado!

Waxa Males Zenawi iyo dadka uu xasuuqa u wakiishayba aan xasuusinaynaa Qisooyin yaab leh oo adduunka ka dhacay. Imisa Dictator ayaa gacanta Shacabka wadankiisa lagu dilay. Mase la socotaa kacdoonka shacabku innuu yahay mid aan laga hor iman karin. Zenawi iyo Aydiisa ha oggaadeen taarikhdooda meeshay ku danbeyn doonto.

Qisadii Dictator  Nicolae Ceausescu oo ahaa Madaxweynaha Romaniya 

Nicolae Ceausescu waxa uu ahaa nin madax adag oo macangag ahaa waxa uuna xasuuqa dad aad u tiro badan oo kumanaan ah kulaayay wadankiisa Romaniya kadib markii shacabka Romaniya ay ka hor yimaadeen kaligi taliye Nicolae iyo xukunkiisa askariga ahaa ee uu ku xasuuqay shacabka aadka u tirada badan isaga iyo haweenaydiisuba

Sida aad Filimkan kore ka aragto waxa uu lahaa ciidamo xoog badan dadkuna aad ayay uga cabsan jireen balse maxuu ku danbeyay. Waxaa Gadoodaday Shacab aan la hor istaagi karin. Waxaana shacabkii gadooday ee Romaniya ay ku guuleysteen inay xilka ka tuuraan Nicolae Ceausecue oo walibana ciidamada wadanka Romaniya ay markii danbe la saftaan Shacabka Romaniya halkaasna ay kasoo qabtaan gurigiisa.

Waxaa yaab leh oo dadka uu kamidka yahay Zenawi ay tahay inay ku waano qaataan. In Nicolae hal maalin gudaheed lagu xukumay oo waliba goobtii xukunku ka dhacay lagu toogtay si aad u fool xun, isaga oo ay toogteen dad ay kamid yihiin dad gaadhkiisa kamid ahaa. waxaana illaa hada laga daawada Wadanka Romaniya Dilkii Nicolae oo shacabka Romaniya sanadkasta daawadaan… Hoos ka daawo Filimkii iyo qaabkii loo dilay Nicolae.

Qisadii Dictator Qaddafi

Qaddafi waxa uu ahaa nin carab ah oo markii hore wadankiisa looga aqoonsana innuu yahay nin halyay ahaa. Balse kadib markii uu xukunka wadanka uu ka yeelay mid uu isagu iska leeyahay wadanka dhan ee Libya. Waxaa dadka Ree Libya muddo dheerba ay raadinayeen awood ay isaga kiciyaan Kaligi Taliye Qaddafi oo ahaa isagu ninka kaliya ee ku tagri fala maaliyada wadanka. Waxa uu gaadhay heer uu soo saaro Kutub oo yiri kan ayaa ah ka muqadaska ah. Waxa uu qaatay Shuciyada waxana shacabka uu galiyay cadaadis aan la arag. Balse qof kasta oo calamka jooga waxa uu arkayay ku tagri falka Qadafi.

Qaddafi waa ninka yiri waxa aan raba innaan noqdo dhowr iyo labatan jir isaga oo jira 50 sanno. Waxa qaddafi uu sameystay sida la sheegay Face Surgery uu kula dagalamayo gabowga IWM. Kibirkiisa iyo fatooshnimadiisa waxaa laga wada arkayay caalamka oo dhan. Waxana lagu eedeyay inuu dad badan oo Libiya u dhashay innuu dilay. Si kastaba ha noqote markii dadkii ay dhaheen kuma rabno ee xilka ka dag. Waxa qadaafi uu bilaabay daggaal adag oo uu ku qaday shacabkiisi waxana iyada oo daggaalkan ay qeyb ka ahayen wadamada Ree galbeedku hadana aan la ilaawi karin in Kibir awgeed uu ku layay shacab badan oo Islaam ah waxba galabsan isaga oo awoodisa kaliya u daneynaya.

Hadaba Gadoodkii Shacabka Libiya waxa ay keentay in Koronel Qadafi oo mar ka ahaa wadankaas nin sumcad leh in kibirkiisii iyo kalinimadii uu isbidiay innuu iska leyahay dadka ay la rogmatay oo shacabkiisii si aad u fool xun ay ku dileen.

Hoos ka daawo Filimkan naxdinta badan.

QISADII KOOFIL

Waxa yaab leh oo lama illaawaan ah inqisadaas mid lamid ah ka dhacday dhulka Somaliyeed. KOOFIL oo ahaa nin Cadaan ah oo horjoooge u ah Ciidamada Boqortoyada Ingiriisku inuu shegay innuu soo afjarayo Dagaalka Darwaashta ee Halyay Sayid Maxamed Cabdile Xasen hoggaaminayay. Waxa uu goostay innuu kaxeysto boqolaal Askari iyo rashin, biyo iyo saad bilo aan go’ayn isaga oo raba innuu ka so taqaluso Sayid Maxamed Cabdile Xasen iyo waxii lahalmaalayay oo dhan. (qisada Kofil ayaa boqortayda ingirisku ay ku sheegan in isaga laso weraray magacisa saxda ahna waxa la odhan jiray Colonel Richard Corfied)

Balse Koofil Xaguu ku danbeeyay. Waxa ciidamada Daraawiishtu ka adkaadeen Koofil iyo cidamdiisi waxaana halkaas uu ku dhintay Kofil isaga oo kibirkisi iyo xoogi uu isbidayba laburburiyay- nin cadaan ah oo ka socda Boqortooyada Ingiriiska oo waqtigaas aheyd Dowlada ugu xooga badan caalamka..

Waana tii maahmaahda iyo gabayga uu mariya ISmacil Mire. Raggow Kibirka Waa lagujabaaye taas hala oggaado.

Adaa dunida kaligaa leh buu, Koofil eersadaye
Kaskiisaba ma galin wiil yar baa, keebka kuu qabanne
Ragow kibirka waa lagu kufaa, kaa’ halla ogaado.

Zenawi iyo ragga uu shaadhka usoo galiyayba miyay ku talo galeen Melbourne iyo Camp David iyo South Africa ayaad caga cadi ugasoo fakaneysaan. Wali laisma gaadhin Ciyaartu Waa half Time. Illaa Godka lagu hubsado oo shaashadaha Caalamka Laga daawado dadaalku waa soconaya. Ogadeniyana Xoriyada waa gaadheysa ee taas hala oggaado.

ONA

La wadaag